Te whakaputa hiko a te punahiko ngāwhā
Te punahiko ngāwhā i Ngā Awa Pūrua.
Whakaputa pūngao hiko ai ngā punahiko ngāwhā mā te tango wai pēhanga me te korohū (kei waenga i te 200°C me te 300°C te wera) i ngā puna 1 ki te 3 kiromita te hōhonu.
Ka wehea te wai me te korohū, kātahi ka takahuritia e te korohū ngā kapongao.
Rere ai te mahana mai i ngā wāhi e nui ana te pāmahana ki ngā wāhi e iti ana te pāmahana, kāore e taea te hoki whakamuri. He wera, he tino tere te hawahawa o ngā ngota me ngā rāpoi ngota, ā, ka rere he wāhanga o ō rātou pūngao ki ngā matūriki noho tata.
I ēnei rā, ko te wai ka toe mai, ka werohia atu anō ki te whenua.
Whakawhitia ai te pūngao mai i te hū ki te kapongao. Kei roto i te pukuhiko tētahi autō nui kua tākaia ki tētahi pōkai waea. Nā tēnei ka puta ko te iahiko.
Hei mahi
Tuhia he hoahoa māmā hei whakaatu i te āhua o te mahi a te punahiko ngāwhā.
Mā te pouako
Ka taea te hoko pukuhiko māmā mai i ētahi kaihoko pēnei hei whakaatu i te whakaputa hiko.